11 打11既時候, 雖然唔係處於上風, 但防守上發揮是很好的, 很滿意, 特別係華美倫, 還有施CC尼, 客串左閘既沙格拿也很SOLID, 但當時利物浦還未FULL TEAM, 蘇亞雷斯仲擺緊o係後備席, 隨時可以換上黎博殺, 反觀阿仙奴的後備席, 真係弱過藥煲, 你知;我知,佢知, 阿仙奴呢場波只係捱緊, 唔知捱到幾時, 先有哥斯尼傷出, 再有費林邦蠢蠢地拎埋第2張黃牌之後比人趕埋出場,之後阿仙奴個勢更弱, 跟手再來一盤凍水倒頭淋, 新仔米基爾禁區內解圍, 彈左去藍斯個身度再彈入網, 擺左個老烏, 直情係一不離二, 二不離三…

完場前失多球, 無計勒

論表現利物浦是發揮較好的一隊, 阿仙奴雖然係主場,但大部份時間都係捱打, 真係不是味兒

再一次辛苦華美倫,施cc尼,同沙格拿了

呢d係咩球証黎架?
我同意桑治應該被紅牌趕出場, 但祖爾巴頓將成個謝雲奴抽起身又點計? 拍一拍佢扮重傷, 反而趕埋出場
好彩施cc尼都無訓著覺, 補住個clean sheet…
唔通真係英格蘭人著數d?

結果桑治被抽後算帳要停3場, 呢個我預左, 但謝雲奴張紅牌反而上訴不能!!!!!!!!!!!!!!!!!!??????

真係人都顛

跟左阿仙奴十幾年, 法比加斯算係第一個我睇住佢出道, 上位, 隊長既阿仙奴球員, 或者要尊重佢既選擇, 繼續拖拖拉拉既話對球隊, 球迷, 佢自己都唔係好事, 祝佢新既一頁健康快樂.

新既一頁……阿仙奴新既一頁又係幾時呢? 雲格一定要買番粒星返來鎮住球員既心, 鎮住球迷既心, 整件真情事件, 球迷既傷害一定比雲格比人更深, 我理解到雲格既痛, 佢一手一腳提攜法比加斯, 為了他, 放棄當時萬夫莫敵既韋拉, 亦由442換成今天的433, 就係全遷就法比加斯, 也許雲格會感到被背叛, 但亦應該明白球迷仍是受著相同的痛, 球迷不是傻的, 125週年的球衣, 紀念品發售多時, 一件有法比加斯的相片的產品也沒有, 整個官網主頁, 也不見法比加斯的影子, 再傻也猜得到法比加斯的status啦.

劇已終, 雲格好應該向前看(球迷也是), 我不相信雲格會想阿仙奴衰, 我咁講唔係話撐雲格既管理手法, 買人選擇, 而是我覺得事情無咁簡單, 也許board真係有壓力, 球迷知道的只是一小部份而已, “作為球迷, 只要相信便好了”.

處子登場

換班

都有捧過杯架

終於announce球員號碼了!!!
買左今年主場成個月, 都未印就係等今日…
印邊個好呢…19? 26? 27?
Arsenal’s official squad numbers for the 2011/12 season have been confirmed.

New signing Alex Oxlade-Chamberlain has been allocated the No 15 shirt.

Ryo Miyaichi will wear the No 31 in his debut season and Gervinho has been given the No 27.

Wojciech Szczesny has taken the No 13 shirt.

Here are the squad numbers in full:
1. Manuel Almunia
2. Abou Diaby
3. Bacary Sagna
4. Cesc Fabregas
5. Thomas Vermaelen
6. Laurent Koscielny
7. Tomas Rosicky
8. Samir Nasri
9.
10. Robin van Persie
11. Carlos Vela
12.
13. Wojciech Szczesny
14. Theo Walcott
15. Alex Oxlade-Chamberlain
16. Aaron Ramsey
17. Alex Song
18. Sebastien Squillaci
19. Jack Wilshere
20. Johan Djourou
21. Lukasz Fabianski
22.
23. Andrey Arshavin
24. Vito Mannone
25. Carl Jenkinson
26. Emmanuel Frimpong
27. Gervinho
28. Kieran Gibbs
29. Marouane Chamakh
30. Armand Traore
31. Ryo Miyaichi
52. Nicklas Bendtner

官網出了新聞公佈, 究竟張伯倫會踢什麼位置? 踢邊? 我地邊路球員有好多好多, 禾仔, 沙皇, 謝雲奴, 宮士亮, 甚至拿斯尼(假如留隊), 係咪真係要咁急需買呢個所謂”super quality”既小朋友? 我好懷疑佢有無位踢, o係呢一季會有幾多出場時間又有幾多? 希望開季前至少可以多買1個球員, 更希望是中堅球員。

First Half Lineup: Mannone, Sagna, Djourou, Squillaci, Traore, Frimpong, Rosicky, Nasri, Vela, van Persie, Arshavin
Second Half lineup: Szczesny, Jenkinson, Koscielny, Vermaelen, Gibbs, Song, Wilshere, Ramsey, Walcott, Chamakh, Miyaichi

剛好２２人，各踢半場，這就等如訪亞２３人再減去丹尼臣。
丹尼臣將借回巴西母會，對佢自己對阿仙奴對雲格對阿仙奴球迷都係好事，ＶＥＲＹ　ＧＯＯＤ！

韋拉在我心目中既影響力不下於柏金，亨利，皮利斯，我曾經左韋拉同一個好友嘈，而家諗番起都好笑。
效力阿仙奴９年期間，韋拉曾上陣４０６次，入３３球，阿仙奴對上一次捧盃就正正起由韋拉高舉的，這可反映出當佢對球隊影響力是舉足輕重的，回想起當天在網上得悉他轉投祖雲達斯的時候，我忍唔住喊左出黎，因為我知道佢對球隊既影響力甚高，不易找到繼任人。

最佩服韋拉既護球能力，次次一大腳踢個波上天之後，永遠都可以拎得番，場內無人敢埋佢身，還記得佢喜歡擦一滲薄荷膏在球衣的心口位置，佢話累果時索一索就即刻可以醒身。

個人認為韋拉的代表作係０３－０４球季聯賽對車路士，對時車仔領隊雲尼亞里為左防範韋拉，出左個怪陣，中場出晒４個防中／中中（林伯特，比堤，馬基里尼，柏加），但韋拉都應付自如，當然最後都係嬴波啦。

人沒有完美的，韋拉亦曾犯下大錯，９９年足總盃，傑斯可以一扭四射入埋，踢阿仙奴出局，歸根究底，就係來自韋拉一個誤傳。。。。

掛靴之後，韋拉拒絕左雲格既邀請，決定留在曼城做教練，好ＳＡＤ，曼城愈來愈多阿仙奴舊人。。。

第１場報身賽，遠徑到吉隆坡，作客對馬來西亞選手隊。
馬來西亞選手隊這個暑假真幸福。。。可以連續對阿仙奴，利物浦，車路士

講番場波，大勝４：０
正選都幾正路：
Szczesny, Jenkinson, Koscielny, Vermaelen (c), Gibbs, Song, Wilshere, Ramsey, Walcott, Miyaichi, Chamakh

先收埋沙格拿，雲佩斯，艾沙雲，拿斯尼呢４大主力先。
早段發揮得唔錯，藍斯好多傳波都幾準，中前場球員走位都幾靈活，除左查馬克，佢呢場麻麻地，踢左半場好似無咩波掂咁，有Ｄ遊夢feel咁
始終兩隊實力上係有明顯既分野，所以都係easywin一場，值得一提係丹尼臣半場換入黎，踢左大約廿分鐘就被換走，之後仲發老脾，睇黎佢應該走硬。

補時階段路斯基再次錦上添花，結束長達１８個月入球荒，入波果一刻佢肯定全世界最開心果個，而家就係肯定係全世界第２最開心，因為我買左阿仙奴４：０，見到卡路士韋拿屢次浪費機會，心諗今次又倒錢落海，點知就係路斯基臨尾一頂就搞掂！

謝雲奴的加盟應該是取替缺席亞洲之行既賓特拿，FINISHING好似唔差。

1. 沒有隊長法比加斯，賓特拿，艾蒙尼亞
2. 有丹尼臣，史基拉斯，查奧爾

連同沒有隨隊的法比加斯，將加盟的謝雲奴，戴亞比，法比安斯基，伊保爾（有可能被賣走），呢２８人，好有可能就係今季阿仙奴既陣容，身在馬來西亞的雲格剛在記者招待會中透露法比加斯和拿斯尼今季會留隊，另外謝雲奴交易可望日內完成，但謝雲奴將留在倫敦訓練。　
法比加斯同拿斯尼留隊會否意味沒有新的進攻球員加盟呢？
謝雲奴應該是取代賓特拿，有傳賓仔會轉戰德甲，加盟多蒙特。
艾蒙尼亞又點呢？
以呢個陣容黎講，防守能力還是很不足夠，希望雲格可以買多個有質素既中堅球員。