chuchu's Arsenal Blog~

真情終於劇終,法比加斯重投巴塞隆拿,轉會費幾多錢都唔係最重要,最重要係拿拿聲買番個中堅同埋粒星返黎,穩定軍心,更重要係穩住球迷既心!

跟左阿仙奴十幾年, 法比加斯算係第一個我睇住佢出道, 上位, 隊長既阿仙奴球員, 或者要尊重佢既選擇, 繼續拖拖拉拉既話對球隊, 球迷, 佢自己都唔係好事, 祝佢新既一頁健康快樂.

新既一頁……阿仙奴新既一頁又係幾時呢? 雲格一定要買番粒星返來鎮住球員既心, 鎮住球迷既心, 整件真情事件, 球迷既傷害一定比雲格比人更深, 我理解到雲格既痛, 佢一手一腳提攜法比加斯, 為了他, 放棄當時萬夫莫敵既韋拉, 亦由442換成今天的433, 就係全遷就法比加斯, 也許雲格會感到被背叛, 但亦應該明白球迷仍是受著相同的痛, 球迷不是傻的, 125週年的球衣, 紀念品發售多時, 一件有法比加斯的相片的產品也沒有, 整個官網主頁, 也不見法比加斯的影子, 再傻也猜得到法比加斯的status啦.

劇已終, 雲格好應該向前看(球迷也是), 我不相信雲格會想阿仙奴衰, 我咁講唔係話撐雲格既管理手法, 買人選擇, 而是我覺得事情無咁簡單, 也許board真係有壓力, 球迷知道的只是一小部份而已, “作為球迷, 只要相信便好了”.